НИЙГЭМ

Ухань хотоос ирсэн 31 оюутан тусгаарлалтаас гарч, гэртээ харилаа

Covid-19 хэмээн нэрлэгдэж буй шинэ төрлийн коронавирусийн халдварын голомт болох БНХАУ-ын Ухань хотоос 31 монгол оюутныг МИАТ-ийн тусгай үүргийн онгоцоор тээвэрлэн, энэ сарын 1-ний өдөр эх оронд нь аваачсан. Тэднийг ХӨСҮТ-д шинжлэн, хэрэв халдвар илрэхгүй бол 14 хоногийн турш тусгаарлана хэмээн урьдчилан мэдэгдэж байсны дагуу арга хэмжээг авч ажилласан.

Тэгвэл өнөөдөр /2020.02.15/ тэдгээр оюутнуудыг тусгаарлалтаас гаргаж байна. Энэ талаар Эрүүл мэндийн яам болон ХӨСҮТ-ийн зүгээс мэдээлэл хийхдээ, “Оюутнууд нэгдүгээр сарын 23-ны өдөр Ухань хотод, хоёрдугаар сарын 1-нээс үргэлжлүүлэн ХӨСҮТ-д тусгаарлагдсан. Иймээс нийт 21 хоног тусгаарлагджээ. Тэдэнд хоёр удаагийн илрүүлэн шинжилгээ хийхэд давтан сөрөг гарсан бөгөөд, карантины хугацаанд ямар нэг зовуурь, шинж тэмдэг илэрч байгаагүй. Ингээд тэд өнөөдөр гэртээ харьж байна” гэсэн юм.

Х.ЭРХЭС

Холбоотой мэдээ

СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
140
Back to top button