НИЙГЭМ

Барилгын сууриас гарсан бохир усыг Туул гол руу цутгаж байжээ

Хан-Уул дүүргийн 20 дугаар хороо, “Мишээл Экспо”-гийн баруун талд барилгын ажил гүйцэтгэж байсан компани барилгын явцад гарсан хөрсний усыг хоолой ашиглан “Туул” голын хөвөө рүү хийж байжээ.

Тус хөрсний уснаас нийслэлийн Мэргэжлийн хяналтын газрынхан хоёр төрлийн дээж авч, Мэргэжлийн хяналтын Ерөнхий газрын Хүнсний Аюулгүй байдлын лавлагаа лабораторид хими, нян судлалын шинжилгээнд хамруулахад их зэргийн бохирдолтой гарсан аж.

Шинжилгээний дүнгээр Байгаль орчны сайд, Эрүүл мэнд, нийгмийн хамгааллын сайдын 1997 оны 143/А/352 тоот тушаалаар Их зэргийн бохирдолтой ангилалд хамаарч байсан бохирдолтой усыг “Туул” голын хөвөө рүү хийж байсанд зөрчлийг таслан зогсоож, Зөрчлийн тухай хуулиар шийтгэл оногдуулан, албан даалгавар хүргүүлжээ.

Эх сурвалж: НМХГ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button