Нийслэлийн 2020 оны Газар зохион байгуулалтын төлөвлөгөөнд нийт 47 байршилд дуудлага худалдааг зохион байгуулах Нийслэлийн Засаг даргын 2020 оны А/187 дугаар “Газар эзэмшүүлэх, ашиглуулах эрхийн дуудлага худалдааг зохион байгуулах тухай” захирамж гарсан. Захирамжийн хүрээнд 2-р ээлжийн 12 байршилд 2020 оны 04 дүгээр сарын 23-ны өдөр цахим дуудлага худалдааг амжилттай зохион байгууллаа.
Энэ удаагийн цахим дуудлага худалдаанд үүрэн телефоны станцын зориулалтаар Чингэлтэй дүүргийн 12-р хороо Хайлаастын овоот толгой, 0.011 га газрыг 2,9 сая төгрөгөөр, 18-р хороо Хайлааст усан сангийн хойд талын толгой, 0.01 га газрыг 1,3 сая төгрөг, 19-р хороо Шарга морьт Даянгийн хойд талын уул, 0.01 га газрыг 892 мянган төгрөгөөр тус тус дуудагдаж цахим дуудлага худалдаанд 3 ялагч тодорлоо. Мөн 2020 оны 04 дүгээр сарын 08-ны өдрийн эхний ээлжийн дуудлага худалдааны ялагчтай дараах байдлаар гэрээг хийж баталгаажуулаад байна. Нийслэлийн төсөвт 226 сая 411 мянга 669 төгрөг төвлөрнө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.