Өчигдөр буюу энэ сарын 26-нд Арцатын аманд гарсан түймрийг Онцгой байдлын алба хаагчид, жирийн иргэд хамжин унтраасан билээ. Үүнд мянга мянган иргэд нэгдэн, сайн дураараа оролцсон. Тэгвэл “Хөх-Үүр” Арцатын аманд гарсан түймрийг унтраалцсан иргэдэд айраг, шөлөөр үнэгүй үйлчлэхээр болжээ.
Тэд энэ тухай цахим хуудсандзаа “ТАЛАРХЛЫН БЭЛЭГ эздэд нь хүргэж #share&mention. Өнөөдөр БОГД УУЛ-ын түймрийг унтраалцсан бүх залууст баярлалаа. Та бүхэн манайд ирж дурын нэг 1-р хоол (шөл)+айраг авч уугаарай. Энэ цагийн эзэн залуучууд бид муугаараа хэлүүлэх нь олонтой. Гэхдээ эх орон дуудсан цагт бид эв санаа нэгтэйгээр хэзээд бэлэн гэдгийг та нар харууллаа. Бахархаж бас баярлаж байна аа. Жич: Унтраалцсан гэдгээ баталж утсан дээрээсээ зургаа үзүүлээд үйлчлүүлээрэй. Үүнээс өөрөөр унтраалцсан үгүйг ялгах баталгаа бодож олж чадсангүй уучлаарай” гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.