Үүрэг гүйцэтгэж явсан цагдаагийн алба хаагчийн биед халдсан этгээдэд холбогдох шүүх хурал Баянгол дүүргийн эрүүгийн хэргийн анхан шатны шүүхэд энэ сарын 14-нд болов. Улмаар түүнийг 3.5 сая төгрөгөөр торгох шийдвэр гаргасан байна.
Өмнө нь мөн хүний биед халдсан хэргээр найман сар хорих ялаар шийтгүүлж байсан шүүгдэгч Г нь 2020 оны 07 дугаар сарын 31-ний шөнө Баянгол дүүргийн хоёрдугаар хороо, 30 дугаар байрны урд талын автомашины зогсоол дээр дуудлагын дагуу ирсэн 102 шуурхай дуудлагын үүрэг гүйцэтгэж байсан Баянгол дүүрэг дэх Цагдаагийн газрын нэгдүгээр хэлтсийн Эрүүлжүүлэх, саатуулах байрны цагдаа жолооч, цагдаагийн дэд ахлагч Э-г албан үүргээ биелүүлэхтэй нь холбогдуулан хүч хэрэглэн эсэргүүцсэн байна.
Ингэхдээ архины шилээр болон гараараа толгой тус газарт нь олон удаа цохиж эрүүл мэндэд нь тархи доргилт, зулай, баруун чамархайн хуйханд зөөлөн эдийн няцрал гэмтэл санаатай учруулсан гэмт хэрэг үйлдсэн байна.
Тухайн үед хамтран амьдрагчдаа уурласан шүүгдэгч Г машиндаа хэвтчихээд, хаалгаа цоожлоод гарч ирэхгүй байжээ. Ингээд хүүхэд нь машины арын гурвалжин шилийг нь хагалж хаалгыг нь онгойлгож харахад өнөөх согтуу залуу юм ярихгүй дуугарахгүй, татаж чангаагаад сэрэхгүй байхаар нь 103-т дуудлага өгсөн аж.
Гэтэл эхнэртээ уурлаж, “жүжиглэж” байсан залуу гэнэт босч ирээд цагдаагийн алба хаагчийг ямар ч шалтгаангүйгээр архины шилээр толгой руу нь 10 орчим удаа цохиж гэмтэл учруулсан байх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ийм новшнуудыг шоронд хийгээд албал таарна
Шоронд хийж нийгмийн аюулгүй байдлыг хангамаар юм даа ийм новшнуудыг.