18 насны шигшээ эрэгтэй эмэгтэй баг эхний тоглолтондоо хожил байгууллаа

Малайз улсын Селангор мужийн Сепанг дүүрэгт байрлах Кибержаяад Ази тивийн аварга шалгаруулах 18-аас доош насны 3х3 сагсан бөмбөгийн тэмцээн өнөөдөр эхэлсэн.

Манай эрэгтэй 18-аас доош насны шигшээ баг тэмцээний В хэсэгт Шинэ Зеланд болон Шри-Ланка улсын шигшээ багуудтай нэг хэсэгт багтсан.

Тэд дөнгөж саяхан тэмцээний эхний тоглолтоо Шри-Ланка улсын эсрэг хийж 21-6 харьцаатай хожил байгуулаад байна. Дараагийн өрсөлдөгч нь Шинэ Зеландын шигшээ баг байх юм. Тоглолт өнөөдөр оройн 19:10 минутанд явагдана.

Монгол Улсын 18-аас доош насны сагсан бөмбөгийн эрэгтэй шигшээ багийн бүрэлдэхүүн:

• Шаравжамцын Энхийн-Од: 16 настай, 201 см өндөр
• Өсөхбаярын Пэрэнлэйжамц: 17 настай, 198 см өндөр
• Лхагвагийн Авирмэд: 18 настай, 190 см өндөр
• Аззаяагийн Батхуяг: 18 настай, 180 см өндөр

Харин эмэгтэй шигшээ баг Казахстан болон Австралийн шигшээ багтай нэг хэсэгт багтсан. Эхний тоглолтоо Казахстан улсын шигшээ багийн эсрэг хийж эхний хожлоо авлаа.

Монгол Улсын 18-аас доош насны сагсан бөмбөгийн эмэгтэй шигшээ багийн бүрэлдэхүүн:

Эмэгтэй багийн бүрэлдэхүүн:

• Бат-Эрдэнэ Ариунцэцэг: 18 нас, 180 см
• Мөнхбат Цэлмэг: 18 нас, 178 см
• Эрдэнэбаяр Энэрмаа: 18 нас, 170 см
• Цэнджав Болорцэцэг: 17 нас, 175 см

Б.ТОГТУУН

Энэ мэдээнд өгөх таны үнэлгээ

Хуваалцаарай Жиргээрэй