МИАТ ТӨХК-ийн ТУЗ өнөөдөр /2021.09.31/ хуралдаж, захирал Б.Баттөрийг чөлөөлж түүний оронд Захиргаа, хууль эрх зүй эрхэлсэн дэд захирал Б.Мөнхтамирыг үүрэг гүйцэтгэгчээр томилжээ.
Энэ талаар ТӨБЗГ-аас тодруулахад,
Өнөөдөр тус компанийн ТУЗ хуралдаж, Гүйцэтгэх захирлаар ажиллаж байсан Б.Баттөрийн контрактын гэрээг цуцлах шийдвэр гаргасан. Улмаар МИАТ ТӨХК-ийн дэд захирал Б.Мөнхтамирыг Гүйцэтгэх захирлын үүргийг түр орлон гүйцэтгэгчээр томилсон гэх мэдээллийг өгөв. Б.Мөнхтамир нь УИХ-ын гишүүн Н.Учралын тэргүүлдэг МАН-ын дэргэдэх НАМЗХ-ны Дэд ерөнхийлөгч гэсэн улс төрийн албан тушаалыг хашдаг нэгэн юм байна.
Эх сурвалжуудын мэдээллээр Б.Баттөрийн зүгээс үүрэгт ажлаасаа чөлөөлөгдөх хүсэлтээ албан ёсоор гаргаагүй аж.
Өчигдөр /2021.09.30/ ЗТХ-ийн сайд Л.Халтар, Төрийн өмчийн бодлого зохицуулалтын газрын дарга Б.Цэнгэл нар уулзаж, “МИАТ” ТӨХК-ийн санхүүгийн нөхцөл байдал, цаашид авч хэрэгжүүлэх арга хэмжээний талаар санал солилцсон үйл явдал өрнөсөн. Улмаар уулзалтын үеэр өнгөрөгч 2020 онд 58, 2021 оны эхний хагас жилд 35.2 тэрбум нийт 93.2 тэрбум төгрөгийн алдагдал хүлээж, үйл ажиллагаагаа зогсоох хэмжээнд хүрснийг зарласан билээ.
Удахгүй тус компанийн санхүүгийн өнөөгийн нөхцөл байдлын талаарх асуудлыг Засгийн газрын хуралдаанаар хэлэлцэхээр төлөвлөж буй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Компаниа дампууруулчихаад ажлаа өгчээ
Баттөрийг чөлөалж богино хугацаанд хувьд шилжүүлэхээс нь өмнө тонож дээрэмдэхээр тохирсон байх