Узбекистаны нийслэл Ташкент хотод туялзуур сэлэмний өсвөр үе, залуучуудын Азийн аварга шалгаруулах тэмцээн үргэлжилж байна. Тэмцээний өсвөр насны ангиллын хүнд сэлэмний төрөлд манай улсаас 13 тамирчин өрсөлдөж буй.
Эл төрөлд өрсөлдсөн Батбямбын Гандөл хүрэл медаль хүртлээ. Тэрбээр хасагдах шатанд Ливан, Вьетнам, Казахстан, Узбекистаны тамирчдыг ялжээ. Ингэснээр 2021 оны өсвөр үе, залуучуудын улсын аварга Б.Гандөл туялзуур сэлэмний төрлөөр Азийн АШТ-ээс медаль хүртсэн анхны монгол тамирчин боллоо.
Түүхэн амжилтын эзэн болсон тэрбээр дасгалжуулагч Ц.Жигжидсүрэнгийн удирдлага дор “Дуэль” клубт бэлтгэл сургуулилтаа хангадаг юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.