Урлагийн гавьяат зүтгэлтэн, “UBS” телевизийн захирал, хөгжмийн зохиолч Л.Балхжавын нэрэмжит “My voice” шоунд Г.Тэмүүжин түрүүлж, гран при шагналын эзэн болсон.
Шагнал гардуулах ёслолын үеэр үндэсний бүтээн байгуулагч “Isohaus”-ын хамт олон түүнд 100 сая төгрөгийн үнэ бүхий хаус бэлэглэн, амжилтыг нь мялаажээ.
Поп дива Б.Сарантуяагийн “Салхины хээ” дууг тун ч өвөрмөц дуулж, олны талархныг хүлээснээр нь Г.Тэмүүжинг манай уншигчид илүү сайн мэднэ.
Үүний сацуу Г.Тэмүүжин “My voice” шоуны эхний шатанд гавьяат жүжигчин Т.Ариунаагийн “Нандин учрал” дууг эвлэгхэн дуулсан нь мөн л шуугиулж, хэр авьяастай, ур чадвартайгаа харуулсан юм.
Г.Тэмүүжин Төв аймгийн Эрдэнэ суманд төрж, өссөн. Өдгөө Билэгийн Дамдинсүрэнгийн нэрэмжит “Монгол туургатан” театрт цохивор хөгжимчнөөр ажилладаг.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.