“Неткапитал” ББСБ-ын ТУЗ-ийн дарга Д.Сүндий эхнэр У-г 2019 онд хэрцгийгээр зодож, хүнд гэмтэл учруулсан хэргээ хэрэгсэхгүй болгохын тулд мөрдөгч Д.Баттөгс, Г.Даваажав, Т.Батсайхан нарт хээл хахууль өгч, хэргийн хавтаст хэрэгт цугларсан нотлох баримтыг устгуулсан болох нь АТГ-ын мөрдөн шалгалтаар тогтоогдсон билээ.
Улмаар Хан-Уул дүүргийн эрүүгийн хэргийн анхан шатны шүүхээс:
- Шүүгдэгч Д.Сүндийг гэмт буруутайд тооцож, нийтийн албанд томилогдох эрхийг таван жилийн хугацаагаар хасаж, гурван жилийн хорих ял,
- Шүүгдэгч Д.Баттөгсийг гэмт буруутайд тооцож, нийтийн албанд томилогдох эрхийг таван жилээр хасаж, 14 сая төгрөгөөр торгох ял,
- Шүүгдэгч Г.Даваажавыг гэмт буруутайд тооцож, нийтийн албанд томилогдох эрхийг таван жилээр хасаж, дөрвөн жилийн хорих ял,
Шүүгдэгч Т.Батсайханыг гэм буруутайд тооцож, нийтийн албанд томилогдох эрхийг таван жилээр хасаж, дөрвөн жилийн хорих ял оноогоод байсан.
Харин өнгөрсөн хоёрдугаар сарын 8-нд Д.Сүндий нарт холбогдох давж заалдах шатны шүүх хурал болж, Д.Сүндийд оногдуулсан гурван жилийн хорих ялыг зургаан сар болгон өөрчлөх шийдвэр гаргасан юм.
Тэгвэл Д.Сүндийгээс авлига авсан гурван цагдаа болон прокуророос эсэргүүцэл бичжээ. Өөрөөр хэлбэл Д.Сүндийгийн ялыг багасгасныг прокурор эсэргүүцсэн бол авлига авсан гурван цагдаагийн ялыг хэвээр үлдээснийг тэд хүлээн зөвшөөрөхгүй байгаа аж. Эл хэргийг Дээд шүүхээр өнөөдөр буюу энэ сарын 06-нд хянан хэлэлцлээ.
Улмаар давж заалдах шатны шүүхийн магадлалыг анхан болон давж заалдах шатны шүүхийн хууль хэрэглээний зөрүүтэй тохиолдолд хяналтын журмаар хянан шийдвэрлэхээр заасны дагуу уг хэргийг хяналтын шатны шүүх хуралдаанаар хэлэлцүүлэхээр тогтов.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Deegiigiin gar urt shuu dee