Хан-Уул дүүргийн 20 дугаар хороо, “Яармагийн гүүр”-ний зүүн талд “Туул” голын усанд гурван хүүхэд орж байгаад нэг хүүхэд хөл алдан живсэн гэсэн дуудлагыг 13:55 цагт ОБЕГ хүлээн авчээ.
Нийслэлийн аврах ангийн алба хаагчид хоёр км замыг туулан 13:57 цагт очиж, тус голд дөрвөн удаагийн шумбалтаар, гурван метрийн гүнээс Хан-Уул дүүргийн харьяат иргэн А/16 настай, эрэгтэй/-ын цогцсыг олж гарган Цагдаагийн байгууллагад шилжүүлэн өгсөн байна.
Голын усанд осолдож, амь насаа алдах эрсдэл нэмэгдэж байгаа тул иргэдийг онцгой сонор сэрэмжтэй байхыг нийслэлийн Онцгой байдлын газраас анхаарууллаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.