ЭМЯ-наас шинэ коронавируст халдварын талаарх ээлжит мэдээллээ өглөө.
Үүгээр ХӨСҮТ-ийн Тандалт, судалгааны албаны дарга А.Амбасэлмаа:
“Өчигдөр нийт 9070 хүнд шинжилгээ хийсэн байна. Энд 18 хүнд коронавирус илэрсэн. БЗД-ийн нэгдсэн эмнэлэгт үүссэн шинэ голомтоос 18 тохиолдол нэмэгдсэн гэсэн үг. Ингээд энэ голомтоос бүртгэгдсэн халдвар нийт 20 боллоо.
Энэ голомтын талаар тайлбар хийхэд: Эхний бүртгэгдсэн хоёр хүн нь халдварын голомттой газар амьдарч, аж төрдөг хүмүүс байсан. Тандалт, судалгаа үргэлжилж байна. Ойрын болон дам хавьтал гэж 645 хүнийг илрүүлж, 266-г нь тусгаарласан. 649-ийг нь гэрийн ажиглалт, тандалтад байлгаж байна. Эхний байдлаар тэдний 469-ийнх нь шинжилгээ гарахад халдвар илрээгүй” гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.