Жүгдэрдэмидийн Гүррагчаа нь сансарт ниссэн Монголоос анхны хүн, Ази тивийн хоёр дахь, дэлхийн 101 дэх хүн хэмээн түүхэнд бичигдсэн билээ.
Түүний эл гавьяаг үнэлэн хүн төрөлхтөн сансарт ниссэний 60, Монгол хүн сансарт ниссэний түүхт 40 жилийн ойн энэ өдөр Монгол Улсын Ерөнхийлөгч “Чингис хаан” одонгоор шагналаа.
Шагнал авахдаа Ж.Гүррагчаа “Монгол Улсын эрхэм хүндэт Ерөнхийлөгчөө, Монгол төрийн эрхэм дээд шагналаар шагнагдсандаа туйлын баяртай байна. Монгол Зөвлөлтийн сансрын хамтарсан нислэгийн 40 жилийн ой энэ өдөр тохиож байгаа юм. Сансрын хамтарсан нислэг бол их олон хүмүүсийн хөдөлмөр бүтээл шингэсэн үйл ажиллагаа. Сансрын хамтарсан нислэгийн бэлтгэл ажилд оролцсон Монгол Улсын Шинжлэх ухааны байгууллагууд, эрдэмтэн судлаачид бий. Сансрын хамтарсан нислэгт биеэр оролцсон намайг өндрөөр үнэлж байгаа явдал нь тус үйл явдалд оролцсон бүх хүнийг үнэлж буй явдал юм. Монголчуудынхаа буян хишиг, төрийнхөө буян хишгийг би олон дахин хүртлээ. Буян хишгээ үргэлж хайрлаж байдаг Монголынхоо ард түмэнд дахин талархал илэрхийлье, баярлалаа” гэсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Bayr hurgie!!
Баяр хүргэе. Урт наслаж удаан жаргаарай.