Мөсөн дээрх шатар гэгддэг кёрлингийн спортоор хичээллэн, АНУ-д амьдардаг түүнийг Уранчимэгийн Бат-Оюун гэдэг. Тэрбээр АНУ-ын тэргэнцэртэй кёрлингийн шигшээ багийн тамирчин.
У.Бат-Оюун багийнхныхаа хамт “Бээжин-2022” паралимпийн наадамд оролцох эрхийн тэмцээнд түрүүлж, алтан медаль авчээ. Ингэснээр монгол хүн паралимпийн наадамд америкчуудыг төлөөлөн оролцохоор болов.
У.Бат-Оюуны дүү цахим хуудсандаа “Эгчээрээ маш их бахархаж байна. 2022онд Бээжинд болох паралимпд кёрлингийн спортын төрлөөр АНУ-ын өмнөөс орох эрхээ авах тэмцээнд баг бүрэлдэхүүнээрээ алтан медаль авч олон орны тэргэнцэртэй тамирчдыг ардаа хийж маш том амжилтын эзэн болсонд нь баяр хүргэе.
Хүссэн хүн бүхэн хүрчихдэггүй энэхүү олимпийн тэмцээнд монгол хүн тэр дундаа миний төрсөн эгч маань оролцох болзлоо хангасанд үгээр хэлэхийн аргагүй ээж ах дүүс бид баяртай байна” гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.