Америкийн Калифорни мужид ойт хээрийн түймэр гарч, 150 жилийн түүхтэй Гринвилл хот тэр чигтээ сүйдсэн байна. Энэ талаар “Ассошиэйтед Пресс” /Associated Press/ мэдээллээ.
"Өнөөдөр бид Гринвиллийг алдлаа" хэмээн мужийн хэвлэлийн төлөөлөгч Дуг Ламальфа харамсан мэдэгдлээ.
Хот хоёрхон цагийн дотор гал түймэрт автаж сүйтсэн байна. Гринвилл хот нь XIX зууны дунд үеэс хүн суурьшиж эхэлсэн алтны эрэлчдийн дамжин өнгөрөх хот гэдгээрээ алдартай.
Хотын оршин суугчдыг түймрийн үеэр нүүлгэн шилжүүлэх болсон талаар ч мэдэгдсэн.
Нас барсан, бэртэж гэмтсэн хүн байгаа эсэх мэдээлэл хараахан ирээгүй байна.
Калифорнид ойт түймрийн улмаас 16 мянга гаруй оршин суугчдыг нүүлгэн шилжүүлсэн аж.
Калифорнийн Ойн аж ахуй, Гал Түймэрээс Хамгаалах Газрын мэдээлснээр, “Дикси” хэмээх түймэр аль хэдийн 278 мянган акр /112,5 мянган га гаруй/ талбайг хамарчээ. Түймрийн улмаас 60 гаруй барилга байгууламж сүйдэж, 12 мянга гаруй байшин барилга аюулд өртжээ. Галд автсан талбайн 35 хувийг унтраагаад байгаа бөгөөд наймдугаар сарын 13 гэхэд түймрийг бүрэн унтраахаар төлөвлөсөн хэмээв.
(Эх сурвалж: Associated Press)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Одоо яахуудэээ байг�##� дэлхий хариугаа авах өдөр ирэлгүй л яахав. Байг�##�д яаж хандана төдий чинээ их хариугаа авна