“Playtime” наадам дараа жил зохиогдоно гэв

“Playtime” наадмын 20 жилийн ой 2022 онд тохиох бөгөөд наадмыг ирэх оны долдугаар сарын 7-10-ны өдрүүдэд Улаанбаатар хотноо зохион байгуулахаар төлөвлөжээ.

Энэхүү наадам нь Монголын хамгийн том, олон жил үргэлжилж байгаа хөгжмийн наадам бөгөөд цар тахлаас шалтгаалан сүүлийн хоёр жил зохион байгуулагдаагүй юм. Тэгвэл ирэх жил зохион байгуулагдахаар болсныг наадмын зохион байгуулагчдын зүгээс өчигдөр мэдэгджээ. 

“Playtime” нь орчин үеийн хөгжмийн урлагаар дамжуулан Монголыг дэлхийд сурталчлан таниулах, дотоодын болон гадаадаас оролцох хамтлаг, уран бүтээлчдийн тоог нэмэгдүүлэх, цаашлаад Азийн тэргүүлэх хөгжмийн наадам болгох зорилгоор зохиогдож эхэлсэн. Анх таван хамтлагтай эхэлж байсан бол наадамд оролцогчид жилээс жилд өсч, 2019 онд гэхэд гадаад, дотоодын нийт 100 гаруй хамтлаг, 31,670 үзэгчдэд өөрсдийн уран бүтээлээ хүргэж байжээ.

О.ЭНХЖИН

Энэ мэдээнд өгөх таны үнэлгээ

Хуваалцаарай Жиргээрэй