Д.Трамп: Афганистан дахь нөхцөл байдлын улмаас Ж.Байден огцрох ёстой

АНУ-ын Ерөнхийлөгч асан Дональд Трамп одоогийн Ерөнхийлөгч Жозеф Байденыг “хууль ёсны дагуу сонгогдоогүй” хэмээн үзсээр хэвээр байна.

Афганистанд үүссэн нөхцөл байдалд Жо Байден буруутай тул албан тушаалаа өгч, огцрох ёстой хэмээн мэдэгдлээ. Афганистаны үйл явдал бол АНУ-ын түүхэн дэх хамгийн ноцтой ялагдлын нэг болов гэж дүгнэв.

Тиймээс, Жо Байден гаргасан алдааныхаа төлөө хариуцлага хүлээж огцрох ёстой гэлээ.

“Афганистанд гаргасан алдаа, “КОВИД”-ийн давалгаа, хил дээрх зөрчилдөөн, эрчим хүчний сүйрэл, улс орны эдийн засгийг сүйрүүлсэн” хэмээн Трамп Жо Байдены Засаг захиргааг буруутгалаа.

Дөрөвдүгээр сарын 14-нд Ж.Байден Афганистанд цэргээ байршуулсан нь Америкийн түүхэн дэх хамгийн урт хугацаанд хилийн чанад дахь цэргийн кампанит ажил болсон гээд тус улсаас Америкийн цэргийн анги нэгтгэлийг татах зарлиг гаргасан.

Арабын “Аль Арабия” /Al Arabia/ телевизийн сувгийн мэдээлснээр, “Талибан” хөдөлгөөний дайчид ням гараг /2021.08.15/-т нийслэл Кабул руу тайван замаар орж, Засгийн газрын цэргүүдийн орхиод явсан төрийн байгууллагуудыг эзэлсэн талаар бид өмнө нь мэдээлсэн. Мөн, Афганистаны Ерөнхийлөгч Ашраф Гани эх орноосоо дүрвэн грараад байгаа билээ. Хожим нь Талибанчууд Афганистаны нийслэл хотын бүх хэсэгт хяналт тогтоож байгаагаа зарласан юм.

(Эх сурвалж: tass)

Энэ мэдээнд өгөх таны үнэлгээ

Хуваалцаарай Жиргээрэй