ДЭЛХИЙМэдээНийгмийншуурхай мэдээ

АНУ-ын тусгай төлөөлөгч БНХАУ-д айлчилна

АНУ-ын Ерөнхийлөгч Жозеф Байдены Цаг уур амьсгалын өөрчлөлтийн асуудлаарх тусгай төлөөлөгч Жон Керри ирэх есдүгээр сард БНХАУ-д албан ёсны айлчлал хийж магадгүй гэсэн мэдээлэл байна. Энэ талаар “Рёйтерз” /Reuters/ агентлаг мэдээллээ.

Жон Керри нь Дэлхийн цаг уур амьсгалын өөрчлөлттэй тэмцэх чиглэлээр Хятадын эрх баригчидтай хамтран ажиллах талаар ярилцана гэсэн таамаг байгаа юм. Удахгүй болох албан ёсны айлчлалтай холбоотой бусад дэлгэрэнгүй мэдээлэл, товыг одоогоор зарлаагүй байна.

Долдугаар сарын дундуур ОХУ-ын Ерөнхийлөгч Владимир Путин, АНУ-ын Ерөнхийлөгчийн тусгай төлөөлөгч Жон Керри нарын уулзалт Москвад зохион байгуулагдсан. Хоёр орны төлөөлөгчдийн уулзалтын дараа Америкийн улс төрч хэлэхдээ, ОХУ-ын төрийн тэргүүн Орос дахь хорт утааны түвшинг бууруулахаар тохиролцсон гэв. Гэсэн хэдий ч, Кремлийн хэвлэлийн албанаас Ерөнхийлөгч В.Путин энэ асуудлаар ямар нэгэн амлалт өгсөн гэдгийг үгүйсгэлээ.

(Эх сурвалж: regnum)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x