МҮЭ-ийн холбооны Ерөнхий зөвлөлийн Анхдугаар хурал энэ сарын 19-нд болсон. Уг хуралдаанаар тус холбооны удирдлагын баг бүрэлдэхүүнийг сольжээ. Тухайлбал МҮЭХ-ны Ерөнхийлөгч Х.Амгаланбаатар ажлаа өгч оронд нь тус холбооны дэд Ерөнхийлөгч С.Эрдэнэбатыг томилсон байна.
МҮЭ-ийн холбооны ерөнхийлөгчөөр ажиллаж байсан Х.Амгаланбаатар шинээр сонгогдсон ерөнхийлөгч С.Эрдэнэбатад байгууллагын гэрчилгээ, тамгыг албан ёсоор өчигдөр /2021.12.20/ хүлээлгэн өгчээ.
Энэ сарын 15,16-нд АТГ-аас МҮЭХ-ны байранд очиж, хоёр даргынх нь өрөөн нэгжлэг хийж, шалгаж эхэлсэн талаар бид мэдээлсэн.
Тэгвэл АТГ-аас ямар шалтгаанаар нэгжлэг хийсэн талаар МҮЭ-ийн холбооны Ерөнхийлөгч С.Эрдэнэбатаас тодруулахад "Иргэний гомдлоор шалгаж байна гэж ажил дээр хүрч ирээд нэгжлэг хийсэн. Шалгаж байгаа юм гэсэн. Тэмцэл хийж, хүмүүсийн эрх ашгийн төлөө тэмцэж байгаа учраас элэв хууль хяналтын байгууллагын дарамт ирж байна” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.