ДЭЛХИЙ
Жонни Депп шүүхэд дуудагджээ
Холливудийн алдарт жүжигчин Жонни Депп экс эхнэр Эмбер Хердийг шүүхэд өгөн, улмаар ялалт байгуулсан билээ. Шүүхээс Эмбер Хердэд 15 сая ам.долларын торгууль оногдуулсан юм.
Тэгвэл нэр төрөө сэргээлгээд буй Жонни Депп шүүхэд дуудагджээ. 2017 онд хийсэн "City of Lies" киноны зураг авалтын үеэр хамтран тоглогч Грегг Брүүкстэй маргалдаж, хоёр удаа цохисон хэргээр түүнийг шүүхэд дуудсан байна.
Грегг Брүүкс гаргасан гомдолдоо “Жонни Депп намайг цохихдоо согтуу байсан” гэж мэдүүлжээ.
Жонни Деппэд холбогдох хэргийн шүүх хурал долдугаар сарын 25-нд болно.
Нэрт жүжигчнийг Камилле Васкиз дахин өмгөөлөхөөр болжээ. Тэрбээр өмнөх шүүх хуралд Жонни Деппийг өмгөөлөн, Эмбер Хердийг ялсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.