Өчигдөр /2022.08.15/ энэ намрын улс төрд гал авалцах сэдвүүдийн нэг нь эхэллээ. Тодруулбал, ҮХЦ 2019 оны ҮХНӨ-өөр "давхар дээл"-тэй сайд нарын тоог дөрвөөр хязгаарласныг Үндсэн хууль зөрчсөн гэж үзлээ. “Үндсэн хууль доторх нэг заалт нөгөө заалттайгаа зөрчилдөж байхыг” бид хардаг л юм байна.
Ерөнхийдөө эрх баригдчын урьдач байдлаар төлөвлөсөн сценарын дагуу л бүх процесс өрнөж байгаа нь энэ. Жижиг намуудаар гомдол гаргуулж, гаргасан шийдвэрийг нь бахдалтайгаар танилцуулж чадаж байна. Ардчилсан намын Н.Ганибал, Ш.Адьшаа нар гомдол гаргаж, ХҮН-ын Т.Доржханд шийдвэрийг уншиж танилцуулав. Гагцхүү алсаас харан, удирдаж суугаа МАН л зэвүүн байна. Ингээд энэ намрын улстөр сайдын төлөөх марафоноор эхэлж буй юм.
Гэхдээ эл шийдвэр гарахаас өмнө өчигдөр дуулианыг дуулианаар дарах тактик хэрэгжүүллээ. АТГ-аас Зам тээврийн яаманд Дарханы замын тендертэй холбоотойгоор гэнэт нэгжлэг явуулж, шалгалт хийж бужигнуулав.
Ерөнхий сайдын попорсон “50 саяын үнэтэй акуурк”, ҮХЦ-ийн шийдвэр хоёроос олны анхаарлыг холдуулах зорилготой ажиллагаа явагдчихав. Нэг сэдвийг нөгөөгөөр дарах болхи тактик хэрэгжүүлдэг болоод удаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бас юмыг зөвөөр харж бичдэг газар байдаг л юм байна
маш зөв бичиж дээ. ард түмэн үүнийг мэдэхгүй гэж бодож байгаа,