Хөвсөл далайн эрэг дагуу орших Хатгал тосгоны ЕБС-ийн хүүхдүүд өөрсдөө санаачлан номын сантай болохоор төсөл бичжээ. Тэд төслийн уралдаанд оролцож дэмжүүлэхээр болсон байна.
Тус сумын сургууль 1942 онд байгуулагдаж байсан бөгөөд одоогоос таван жилийн өмнө ашиглалтын хугацаа нь дуусжээ. 80 гаруй жилийн өмнө баригдсан сургуулийн анги танхим, номын сан хүйтэн, хүүхдүүд хичээллэхэд хүндрэлтэй байдаг байна. Мөн номын сан нь бага номтой, хүрэлцээ муутай аж. Тиймээс хүүхдүүд номын сан, дулаахан байртай болохоор ийнхүү төсөл бичжээ.
Хүүхдүүд хэрэгтэй байгаа номын жагсаалтаа ийн гаргасан байна:
- Шалгалтын /IELTS, TOEFL, ЭЕШ зэрэг/, 100 орчим ширхэг
- Хэл судлал /монгол, англи, орос, солонгос, хятад хэлний анхан, дунд, ахисан түвшний ном/: 100-200 ширхэг
- Шинжлэх ухаан, танин мэдэхүйн ном, 100-150 ширхэг
- Хувь хүний хөгжлийн ном /мэргэжил сонголт гэх мэт/, 50-100 ширхэг
- Уран зохиолын ном /гадаадын уран зохиол, сүүлийн үеийн, англи монгол хэлээр/, 50 ширхэг
Одоогийн байдлаар тэдний төслийг 10 сая төгрөгөөр дэмжих болсон бөгөөд энэхүү мөнгийг тэд дотоод засал, ном, тавилга авахад зарцуулахаар төлөвлөжээ.
Уншигч та хүүхдүүдийн номын санд ном хандивлахаар бол "Натур"-ын зам дагуу байрлах Дали товерийн 502 тоотод аваачиж өгөх боломжтой юм байна.
Харин шуудангаар илгээх бол: Хөвсгөл аймаг, Хатгал тосгон, Conquerors клуб эсвэл Э.Үржинханд, 96691399 дугаараар холбогдож болно.
Тэдний мөнгөн хандивын данс: 5906202050 /Хүлээн авагчийн нэр: Гэрэлцэцэг/
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сайхан мэдээ байна баяр хүргэе
Санаачлагатай мундаг хүүхдүүд байна шүү. Ашгүй дээ зорьсондоо хүрч
Uneheer sain bn shuuu huuhduudeeee amjilt
БАХАРХАЛ ТӨРӨВ САЙН ХҮҮХДҮҮД БАЙНА
мундаг шүү