ХӨСҮТ-өөс ковидын шинэ хувилбар, томуу болон ковидын вакцинжуулалтын талаар мэдээлэл өглөө.
Монгол Улсад BF7, BQ1.2 гэх омикроны хоёр төрлийн шинэ хувилбар бүртгэгдсэн талаар өчигдөр /2022.11.11/ зарласан билээ.
Энэ оны 44 дүгээр долоо хоногт коронавирусийн 700 гаруй тохиолдол бүртгэгдсэн нь өмнөх долоо хоёр дахин нэмэгдсэн үзүүлэлт аж. Омикроны шинээр илэрсэн хувилбарууд халдварлах чадвар маш өндөр байгааг ДЭМБ-аас анхааруулжээ.
Энэ талаар ХӨСҮТ-ийнхөн "Омикроны шинэ хувилбар ядарч сульдах, шингэн нус гарах, хоолой бага зэргээр сэрвэгнэх зэргээр илэрч байгаа аж. BF.1, BF.7, BQ.1.2 нь манай улсад өмнө нь бүртгэгдэж байгаагүй омикроны шинэ хувилбарууд юм. Өнөөдрийн байдлаар ХӨСҮТ-д 325 хүн хэвтэн эмчлүүлж байна. Үүнээс зургаан хүний биеийн байдал маш хүнд байна. Дархлаа сэргээх нэмэлт тун хүндрэлээс сэргийлнэ. 2022 оны аравдугаар сараас 11- дүгээр сарын 15-ныг хүртэл 21 аймаг 9 дүүргийн өрхийн эрүүл мэндийн төвүүд болон байнгын төвүүдэд томуугийн вакцинжуулалт явагдаж байна. Ковид болон томуу, томуу төст өвчин яг адил амьсгалын замаар халдварладаг тул иргэд амны хаалтаа зүүх, гараа угаах, агаар сэлгэлтийг сайжруулах, хүн хоорондын зай барих гэх зэрэг дэглэмээ барихыг анхааруулж байна" гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ердийн горимоор үргэлжлүүлээчээ
Bugd maskaa zuuh heregtei dulaan ortol mask zuuhgui haniasan humuus gaduur zunduu uhamsargui bhin haniad ch ih bhad