Сонгомол, чөлөөт бөхийн 2019 оны ахмадын ДАШТ лхагва гаригт Гүржийн нийслэл Тбилисийн “Tbilisi Sports Palace”-д эхэлсэн билээ. Чөлөөт бөхийн тэмцээний эхний өдөр “В” (41-45 нас), “Е” (56-60 нас) ангиллын жингүүдийн барилдаан болж, манай улсаас зургаан бөх зодоглосноос дөрвөн хүрэл медаль хүртэв.
“Е” ангиллын 88 кг-ын жинд ОУХМ Буяндэлгэрийн Бат, “В” ангиллын 62 кг-д спортын мастер Жанчивын Хурц, 78 кг-д спортын мастер Байлдагчийн Баянсан, 88 кг-д ОУХМ Доржготовын Ганбат нар хүрэл медаль хүртлээ.
Эднээс “Тулгат” клубийн тамирчин ОУХМ Д.Ганбат мастеруудын ДАШТ-ээс дөрөв (“Белград-2014”, “Валбжих-2016”, “Скопье-2018”-д хүрэл медаль хүртсэн) дэх хүрэл медалиа хүртсэн бол ОУХМ Б.Бат өнгөрсөн жил Македонд хүртсэн хүрэл медалиа Тбилисид ихэрлүүлэв.
Өнөөдөр “С”, “D” ангиллын жингүүдийн урьдчилсан болон шигшээ барилдаан болно.
Б.БУЯНДАЛАЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.