СПОРТ

Дэлхийн цом: Эмэгтэй бөхчүүд хэсэгтээ АНУ, ОХУ-ын тамирчидтай учраа таарав

Чөлөөт бөхийн 2019 оны эмэгтэйчүүдийн Дэлхийн цомын тэмцээн арваннэгдүгээр сарын 16-17-нд Японы Нарита хотод болно. 18 дахь удаагийн тэмцээнд Япон, Монгол, ОХУ, АНУ, БНХАУ, Украин гэсэн зургаан орны шигшээ баг өрсөлдөх юм.

Дэлхийн цомын аварга шалгаруулах тэмцээний сугалаа өчигдөр болов. Монголын эмэгтэйчүүдийн шигшээ баг В хэсэгт 2003 онд Дэлхийн цомд түрүүлсэн АНУ, Дэлхийн цомын гурван мөнгө, гурван хүрэл медальтай ОХУ-ын тамирчидтай учраа таарав.

Тэмцээний “А” хэсэгт хамгийн олон буюу 10 удаагийн түрүүтэй, зохион байгуулагч орон Япон, зургаан удаагийн аварга БНХАУ, Дэлхийн цомын мөнгө, хүрэл медальт Украины шигшээ багийнхан багтлаа.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button