Монгол Улсын Засгийн газрын тэргүүн ерөнхий сайд Л.Оюун-Эрдэнэ, ХЗДХ-ийн Х.Нямбаатар нарт 413 дугаар хорих ангиас иргэн Д.Мөнх-Эрдэнэ үг дайжээ.
Тодруулбал, "Үнэнийг олж цагаатгахын төлөө өнөөдрийг хүртэл шоронд суугаад явж байна. Үгүй бол МАН-ын авлигачид шиг хялбаршуулсан журмаар шийдүүлээд 40 саяар торгуулаад шоронд суухгүй салах боломжтой байлаа. Үнэний төлөө явна Д.Мөнх-Эрдэнэ" гэжээ.
Түүний дайсан гэх энэ үгийг Даваагийн Мөнх-Эрдэнэ цахим хуудаст нийтэлж, тус ангийг дээрх сайдуудын харъяанд байдаг хэмээн тодотгоод, сайдуудыг хартал сайн таглаад өгөөрэй хэмээжээ.
Хэргийг сануулахад, Д.Мөнх-Эрдэнийг албан тушаалын байдлаа урвуулан ашигласан, бусдад хахууль өгсөн гэх хэрэгт буруутган анхан шатны шүүхээс гурван жил 10 сарын хорих ял, 2.7 сая төгрөгөөр торгох ялаар шийтгэсэн. Гэвч тэрбээр анхан шатны шүүхийн шийдвэрийг эс зөвшөөрч давж заалдах шатны шүүхэд хандахад оноосон ялыг нэг жил 10 сарын хорих ял болгосон. Одоо Д.Мөнх-Эрдэнэ уг хорих ялыг Сэлэнгэ аймаг дахь 413 дугаар хорих ангид эдэлж байгаа.
Түүнчлэн Д.Мөнх-Эрдэнийн өмгөөлөгчид хяналтын шатны шүүхэд хандаад байгаа билээ.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.