Өнөөдрийн чуулганаар зарим гишүүд Соёлын яамны төсвийг бусад яамны төсөвтэй харьцуулж, ярьсан билээ. Нөгөө талаараа ирэх жилийн Кино урлагийг дэмжих санд төсөвлөсөн мөнгийг олон нийт хэт их байна гэх шүүмжийг дагуулаад байгаа. Түүнчлэн Чой хамба суудлаасаа буух хүсэлтийг өгсөн зэрэг асуудалтай холбоотойгоор Соёлын сайд Ч.Номин байр сууриа илэрхийлсэн юм.
Тэрбээр "Чой хамба суудлаасаа буух талаарх мэдээллийг би бүрэн аваагүй байна. Үндсэн хуулиар шашин, төр тусдаа байдаг. Соёлын яамны зүгээс шашны байгууллагуудын соёлын өвтэй хамааралтай ажилладаг. Сүм хийдийн барилга байгууламж нь соёлын өв байдаг бол бид үүнд чиглэж хамгаалж, ажилладаг. Тухайн шашны байгууллага нь өөрсдөө шийдвэрээ гаргаж явна. Тэгэхээр Соёлын яамны зүгээс эл асуудалд байр сууриа илэрхийлэх боломжгүй" гэх тайлбарыг өгсөн юм.
Үргэлжлүүлэн тэрбээр Кино урлагийг дэмжих сангийн талаар мэдээлэл өгөв.
Тэрбээр "Манай улсын хувьд соёл урлагийн салбарыг хөгжүүлж явах ёстой. Ард иргэдийн өгсөн төсвийн санхүүжилтээр соёлын хүртээмжийг нэмэгдүүлдэг. Кино урлагийг дэмжих сан хуулийнхаа хүрээнд үйл ажиллагаагаа явуулдаг. Монгол Улсыг дэлхий дахинд кино урлагийн салбар маш сайн сурталчилж, таниулж байгаа. Кино урлагийг дэмжих сангийн 10 тэрбум төгрөгийн зарцуулалтыг Кино урлагийг дэмжих зөвлөл төслүүддээ шалгаруулж өгдөг.
2022 онд 10 орчим төсөл гаргасан. Дэлхий дахинд кино урлагийг хөгжүүлэхэд их хэмжээний мөнгө зарцуулдаг. Тэр хэрээрээ мөнгөний эргэлт нь цар хүрээ ихтэй. Тиймээс хөгжүүлэх ёстой. Өнөөдрийн байдлаар Венецийн наадмаас шагнал авсан Сэр сэр салхи болон хэд хэдэн хүүхдийн кино бүтээлийг нэрлэж болно" гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төр харин энэ асуудлаас дутаарай. Номин гуай
Оролцоод хэрэггүйээ толгой чинь үл хүрнэ
Ха ха мэдлэг чадвар нь дутах байлгүй. Эцэг шигээ
"Чой хамба суудлаасаа буух" гэж хэлсэн нь үнэн бол гудамжны яриатай бүдүүлэг хүүхэн байнадаа.
Угаас көдөөний гудамжинд өссөн.
Төмсчин авгайн тархи үл хүрнэ