Хүүхдийн хоолны зардлын тодорхой хувийг эцэг эх хуваалцах ёстой хэмээн Боловсрол, шинжлэх ухааны сайд Л.Энх-Амгалан өчигдөр мэдээлсэн.
Тодруулбал, тэрбээр "Жил бүр цэцэрлэгийин хоолны зардалд 70, 1-5 дугаар ангийнхны Үдийн хоол хөтөлбөрт 80 тэрбум төгрөгийг төсөвлөдөг. Хэрэв цэцэрлэгийн хоолны мөнгийг дахиад 1500-гаар нэмж, 3000, сурагчдын хоолны 2470 төгрөгийг нэмэх юм бол 300-450 тэрбум төгрөг шаардлагатай болох юм. Тэгэхээр цэцэрлэг сургууль барих уу, үдийн хоолонд зарцуулах уу гэх сонголт бий болно. Эцэг эхчүүд хариуцлага хүлээх ёстой. Тиймээс цэцэрлэгийн хоолны зардлыг тэдэнтэй хуваалцахаас өөр аргагүй. Харин хүнсний талон авдаг гэр бүлийн хүүхдийн хоолны мөнгийг төр хариуцах ёстой" гэсэн юм.
Тэгвэл салбарын сайдын хэлсэн энэ асуудлаар бид нээлттэй санал асуулга явууллаа.
Эл санал асуулгыг зөвхөн тийм эсвэл үгүй гэх хувилбараар авсан бөгөөд нийт 484 хүн хамрагдсан байна.
Санал асуулгад оролцсон иргэдийн 317 нь буюу 65.4 хувь нь уг саналыг дэмжсэн бол 158 буюу 32.6 хувь нь эсэргүүцсэн юм. Харин есөн санал нь өөр хариулт өгөх байдлаар судалгаанд оролцжээ.
Асран хамгаалагчдын зүгээс хүүхдүүдийг чанартай хоолоор хангах, жимс ногоо өгвөл дэмжинэ хэмээсэн байна. Мөн нэгдсэн байдлаар тухайн сургуульд мэргэжийн тогооч, цайны газартай болох шаардлагатай гэх сэтгэгдлийг ч илэрхийлсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ха ха МАН ын өлөн хулгайч луйварчидыг сонгосон хойно аргагүй
Хоолны мөнгийг нэмж өгөхөд бүгд санаа нэг байна
төр хариуцах юмаа өөрсдөө хариуцна шүү
зөвөө зөв