СПОРТ

Д.Мөнхбаясгалангийн шавь Пан-Америкийн аваргаас хүрэл медаль хүртэв

АНУ дахь “Женко” клубийн салбарыг Ерөнхийлөгч Х.Баттулгын санаачилгаар зургаан жилийн өмнө байгуулсан  билээ. Тус клубийн дасгалжуулагчаар самбо бөхийн дэлхийн болон Азийн дэд аварга, улсын АШТ-ий гурван түрүүтэй, жүдогийн УАШТ-ий нэг алт, гурван мөнгө, дөрвөн хүрэл медальтай Д.Мөнхбаясгалан ажилладаг. Тэрбээр өнгөрсөн жил Монголын өсвөр үеийн УАШТ-д тамирчдаа сойгоод хоёр алт, хоёр хүрэл медаль хүртэн, шуугиулсан.

Д.Мөнхбаясгалан Мехсик улсад үргэлжилж буй Пан-Америкийн аварга шалгаруулах тэмцээнд хоёр тамирчнаа оролцуулж байна. Түүний шавь Ч.Анхбаяр, П.Хангай энэ жил АНУ-д жиндээ тэргүүлж, тус тэмцээнд анх удаа зодоглох эрх өвөртөлсөн юм.

Тэднээс  охидын 13 хүртэлх насны ангиллын 52 кг-д өрсөлдсөн Ч.Анхбаяр хүрэл медаль хүртжээ. Хөвгүүдийн 47 кг-д барилдсан П.Хангай Панам, Колумбын тамирчдыг ялсан ч Мехсик, Бразилын бөхчүүдэд дийлдэн, V байрт шалгарав.

Пан-Америкийн аварга шалгаруулах тэмцээн маргааш дуусаж, бусад жингийн аваргаа тодруулна.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

4 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button