СПОРТ

УИХ-ын гишүүн С.Бямбацогт Т.Тулгад хоёр өрөө байр бэлэглэжээ

Сүүлийн жилүүдэд амжилт, ур чадвар нь эрс ахиж, ирээдүйд их дуулгах бөх гэгдэж буй тамирчдын нэг бол Үндэсний шигшээ багийн тамирчин, ОУХМ Т.Тулга. Үндэсний шигшээ багийн ахлах дасгалжуулагч Б.Баттулгын унаган шавь тэрбээр өсвөр үе, 23 хүртэлх насны Азийн аварга, Тахтийн цом олон улсын тэмцээний алт, Мадридын гран пригийн хүрэл, Дмитрий Коркиний нэрэмжит олон улсын тэмцээний мөнгө, хүрэл, “Монголиа Опен”-ы хүрэл, Роман Дмитриев, Борис Будаевын нэрэмжит залуучуудын олон улсын тэмцээний аварга, энэ жил насанд хүрэгчдийн УАШТ-д түрүүлсэн.

Ховд аймгийн Манхан сумын харьяат, 21 настай Т.Тулга энэ жил насанд хүрэгчдийн ДАШТ-д зодоглохдоо Токиогийн олимпын эрх авч, хүрэл медалийн оосроос атгаад алдан, V байрт шалгарсан.

УИХ-ын гишүүн С.Бямбацогт болон түүний гэргий Ц.Ганцэцэг нар Т.Тулгад хоёр өрөө байр бэлэглэн, амжилт хүсчээ.

Гэрэл зургийг дасгалжуулагч Б.Баттулгын цахим хуудаснаас авав.

Б.БУЯНДАЛАЙ


Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

6 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button