Боксын залуучуудын Азийн АШТ Монголд өнөөдөр эхэллээ
Сонирхогчдын боксын залуучуудын Азийн АШТ “Буянт-Ухаа” спорт цогцолборт өнөөдөр эхэллээ. Монголын боксын холбоо Азийн боксын холбоо (ASBC)-той хамтран зохион байгуулж буй тэмцээнд эрэгтэйчүүдийн 49, 52, 56, 60, 64, 69, 75, 81, -91, +91 кг, эмэгтэйчүүдийн 48, 51, 54, 57, 60, 64, 69, 75, 81, +81 кг-д болж байгаа юм.
30-аад орны тамирчин оролцож буй Азийн АШТ-д Монголоос 16 ширэн бээлийтэн өрсөлдөж байна.
Монголын шигшээ багийн бүрэлдэхүүн:
Дасгалжуулагч: ОУХМ Б.Буянжаргал, ОУХМ О.Батхүү, СМ Н.Ганзориг.
Тамирчин, эрэгтэйчүүд:
49 кг-д Э.Сүхбат, 52 кг-д Б.Алтантулга, 57 кг-д Т.Энхтөр, 60 кг-д О.Тулга, 64 кг-д А.Жандос, 69 кг-д Ц.Луваанжалбуу, 75 кг-д Б.Гантулга.
Эмэгтэйчүүд: 48 кг-д Б.Жанаргүль, 51 кг-д А.Хулан, 54 кг-д Б.Золжаргал, 56 кг-д О.Есүгэн, 60 кг-д Г.Бадмаараг, 69 кг-д Э.Намуун, 75 кг-д Ц.Намуун-Урсгал, 81 кг-д Б.Маргад-Эрдэнэ, +81 кг -д Б.Алтанзаяа.
Монголын ширэн бээлийтнүүд Азийн АШТ-д
Сонирхуулахад, залуучуудын Азийн АШТ-ээс Монгол Улсын анхны алтан медалийг 1995 онд Ю.Дима 48 кг-д хүртсэн. Мөн Г.Баяртогтох 1998 онд Тайваньд болсон залуучуудын Азийн АШТ-ий 63.5 кг-д түрүүлж байв.
2006 онд Энэтхэгт болсон залуучуудын Азийн АШТ-ий 57 кг-д А.Бат-Очир мөнгө, 60 кг-д Л.Шинэтулга, 69 кг-д Н.Шинэбаяр хүрэл, 2013 онд тус тэмцээнээс 64 кг-д О.Батзориг мөнгө, 60 кг-д О.Норовбал, 69 кг-д Д.Давааням хүрэл, 2015 онд тус тэмцээнээс 49 кг-д Д.Мөнх-Эрдэнэ, 52 кг-д Э.Ууганбаяр, 56 кг-д Д.Мишээлт нар хүрэл медаль хүртсэн. Хамгийн сүүлд буюу 2017 оны залуучуудын Азийн АШТ-ээс 52 кг-д Б.Буяндалай хүрэл медаль хүртээд байгаа юм.
Б.БУЯНДАЛАЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.