Лас Вегас хотод зураг авахдаа хаана байгаа гэдгээ анзаарах хэрэг гарах нь. Учир нь тус хотын албан тушаалтнууд гүүрэн дээр алхаж байгаад зогсох эсвэл бусад хүмүүсийг зогсоход хүргэх зүйл хийхийг хоригложээ. Үдээсээ үдэхээр зогсох гэх мэт үйлдэл үүнд хамаарахгүй аж.
Албаны хүмүүсийн хэлснээр энэхүү дүрэм нь явган зорчигчдын аюулгүй байдал, явган зорчигчдын урсгалыг тасалдуулахгүй байхыг хангах зорилготой юм. Хууль зөрчсөн нь тогтоогдсон хүмүүс 1,200 хүртэл торгууль, зургаан сар хүртэл хорих ял сонсож магадгүй.
Гэхдээ цагдаагийн алба хаагчийн шаардлагыг биелүүлээгүй гэх мэт ховор тохиолдолд л баривчлах эсвэл торгууль оногдуулна гэж “Washington Post” мэдээлжээ.
Лас Вегас хот жилдээ 30 сая гаруй жуулчин хүлээн авдаг, ийм учраас явган зорчигчдын аюулгүй байдлыг хангах нь чухал ач холбогдолтой зүйл юм. Тус хотын албан тушаалтан Женнифер Купер “Шинэ хууль нь дэлхийн хэмжээний жуулчлалын газар болох манай хотыг зочлоход аюулгүй газар хэвээр үлдэхэд тусална” гэж хэлсэн байна.
Тус хот нь ийм төрлийн хууль баталсан дэлхийн анхны хот биш. Өнгөрсөн жил Итали улсын Портофино хот удаан зогсохыг хориглосон хууль баталжээ. Хориглосон бүсүүдэд удаан зогсох юм бол 275 евро хүртэл торгох юм.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.