Судалгаа: 13-17 насны 7 хүүхдийн нэг нь архи согтууруулах ундаа хэрэглэж үзсэн

2023 онд Нийгмийн эрүүл мэндийн хүрээлэнгээс эрүүл мэндийн зан үйлийн судалгаанд ЕБС-ийн 51 сургуулийн 13-17 насны суралцагчийг хамруулжээ.

Тус судалгаагаар:

• 13-17 насны суралцагчдын авч буй мэдээллийн эх сурвалжийн 56,8 хувь нь нийгмийн сүлжээ, интернет байдаг
• Гурван суралцагч тутмын нэг нь сургууль дээрээ дээрэлхэлтэд өртөж байсан
• Эрэгтэй 10 суралцагч тутмын зургаа, эмэгтэй 10 суралцагч тутмын ес нь дотны найзтай
• Эмэгтэй таван суралцагч тутмын нэг, эрэгтэй долоон суралцагч тутмын нэг нь цахим дээрэлхэлтэд өртсөн
• 10 суралцагч тутмын нэг нь сүүлийн нэг сард янжуур тамхи татсан
• Дөрвөн суралцагч тутмын нэг нь сүүлийн нэг сард электрон тамхи татсан
• Долоон суралцагч тутмын нэг нь согтууруулах ундаа хэрэглэж, үзсэн гэх мэт дүнгүүд гарчээ.

Мөн сурагчдын дийлэнх хувь нь гэр бүлийхэндээ өөрийгөө ойлгуулж чаддаггүй бөгөөд амиа хорлох оролдлого хийж байсан тухайгаа мэдэгджээ. Иймд эцэг эхчүүд, асран хамгаалагчид хүүхдүүдтэйгээ ойлголцож, ярилцаж байхыг мэдээллээ.

Энэ мэдээнд өгөх таны үнэлгээ

Хуваалцаарай Жиргээрэй