Энэтхэгийн хамгийн том шашны бүлэг болох хиндучүүд үхрийг ариун амьтан гэж үздэг тул идэхийг цээрлэдэг. Тэгвэл ирэх долоо хоногийн баасан гарагаас /2024.04.19/ зургаадугаар сарын 1-ний хооронд болох ерөнхий сонгуульд нэр дэвшиж буй жүжигчин үхрийн мах идсэн гэх “хэрэгт” нэр холбогджээ.
Кангана Ранаут нэртэй жүжигчин өөрийг нь үхрийн мах идсэн гэх явдлыг үгүйсгэсэн байна. Тэрбээр Энэтхэгийн төрийг 2014 оноос хойш барьсан Бхаратия Жаната намын бодлогыг дэмждэг нэр дэвшигч юм.
Бхаратия Жаната намын зарим улс төрчид үхрийг нядлах явдлыг хориглохыг хүртэл дэмждэг байна. Ранаут нь томоохон шагнал хүртсэн, Болливудад алдартай жүжигчин юм. Сөрөг хүчний намын нэгэн улс төрч түүнийг өмнө нь үхрийн мах идэж байсан гэж хэлсэн байна.
Мөн сошиал платформууд дээр хэд хэдэн хэрэглэгч Ранаутын хуучин нийтлэлүүдээс үхрийн мах идэж байгааг нь баталж буй гэх зүйлс олж нийтэлжээ.
Үүнд тэрбээр хариу өгөхдөө “Би үхрийн мах болон бусад төрлийн улаан мах хэрэглэдэггүй. Миний тухай ор үндэслэлгүй цуурхал тарааж байгаа нь ичгэвэртэй зүйл. Би иогийн болон Аюурведийн амьдралын хэв маягийг олон арван ажил сурталчилж ирсэн. Ийм цуурхал тараах нь миний нэр хүндийг нураахгүй. Ард түмэн маань намайг бахархалтай Хинду шашинтай гэдгийг мэднэ, хэн ч ард түмнийг төөрөгдүүлж чадахгүй” гэсэн юм.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хэнд хэрэгтэйм энэ чинь