Спикерийн газрын заалтаар цуглуулсан 100,000 саналыг Ч.Хүрэлбаатар ТЕГ-аар шалгуулжээ

Хураангуй:

• ЭЗХ-ийн сайд Ч.Хүрэлбаатар УИХ-ын дарга Г.Занданшатарын гадаадын иргэнд газар эзэмшүүлэх заалтыг хасахаар цуглуулсан 100 мянган саналыг бодитой эсэхийг шалгуулахаар ТЕГ-т ханджээ.
• Тагнуулын ерөнхий газар шалгаж үзээд 100 мянган иргэний санал бодитой байна хэмээн дүгнэсэн байна.

Дэлгэрэнгүй:

Намрын чуулган хаахын өмнө ЭЗХ-ийн сайд Ч.Хүрэлбаатарын өргөн барьсан Хөрөнгө оруулалтын тухай хуулийн төслийг Ерөнхийлөгч асан Х.Баттулга эсэргүүцэж, Төрийн ордонд мэдэгдэл хийж байв. УИХ-ын дарга Г.Занданшатартай ч уулзсан.

УИХ-ын дарга Г.Занданшатар энэхүү хуулийн төслийн хэлэлцэх эсэхийг царцааж байгаад Хөрөнгө оруулалтын тухай хуулиас газрын агуулгыг хассан нэмэлт өөрчлөлтөө өргөн барьсан.

1 дүгээр зүйл: Хөрөнгө оруулалтын тухай хуулийн 12 дугаар зүйлийн 12.2 дахь хэсэг "Газрын тухай" гэснийг хассугай.

2 дугаар зүйл: Хөрөнгө оруулалтын тухай хуулийн 12 дугаар зүйлийн 12.1.1 дэх заалтыг хүчингүй болсонд тооцсугай.

Энэхүү нэмэлт өөрчлөлтөө өнгөрсөн долоо хоногийн УИХ-ын чуулганы хуралдаанаар анхны хэлэлцүүлгээр нь батлуулчихсан. 100 мянган иргэний дэмжлэг авсан санал түүхэндээ анх удаагаа хууль болон батлагдсан гэдгийн парламентын тэргүүн зарласан.

Гэвч хууль батлагдахаас өмнө ЭЗХ-ийн сайд Ч.Хүрэлбаатар ТЕГ-т хандан "Нямжав овогтой Номун-Эрдэнийн өргөдөлд зохиомлоор дэмжсэн санал өгүүлж, гэмт хэргийн шинжтэйгээр иргэдийн эрхэнд халдсан байж болзошгүй гэж үзэж шалгаж өгөх"-ийг хүссэн байна.

Улмаар ТЕГ "Нийт 153,833 хандалт бүртгэгдсэн бөгөөд дэмжсэн санал бодитой, сэжигтэй тохиолдол байхгүй" гэж дүгнэжээ.

Энэ мэдээнд өгөх таны үнэлгээ

Хуваалцаарай Жиргээрэй