АН-аас Ж.Баясгалан, МАН-аас Б.Болороо жагсаалтад бичигдэх үү

Парламентын 48 гишүүнийг намын жагсаалтаас сонгоно. МАН-ын удирдлагууд жагсаалтын эхний тавд “эмч, багш, малчин, хөгжлийн бэрхшээлтэй иргэд зэрэг нийгмийн төлөөллийг оролцуулна” гэдгээ мэдэгдсэн. АН-ынх ч бас ийм чигтэй.

Тухайлбал, МАН-аас УИХ-ын гишүүн асан М.Билэгт судалгаагаар рейтинг өндөртэй гарч, Х.Эрдэнэбулган, Д.Гомбо-Очир гэсэн малчдын нэрс яригдаж байгаа бол АН уяачдаас сонголт хийх магадлалтай тухай бид өмнө нь хүргэсэн. /линк/

Тэгвэл хөгжлийн бэрхшээлтэй иргэдийн төлөөлөлд намууд хэн, хэнийг багтаах вэ гэдэг нь анхаарал татаж байгаа юм.

МАН-ын тухайд, иргэн Б.Болороотой хэд хэдэн удаа уулзалт хийсэн ч, саналыг хүлээж аваагүй гэдэг мэдээлэл бий. 2023.09.04-нд тэрбээр өөрийн цахим хуудсаараа дамжуулан нэр дэвшихгүй гэдгээ илэрхийлж байсан /линк/ удаатай. Мөн Ерөнхий сайд Л.Оюун-Эрдэнийн зөвлөх Ч.Ундрахбаярыг ХБИ-ний төлөөлөл болгож, МАН-ын жагсаалтын эхэнд бичихээр яригдаж буй тухай мэдээлэл ч цацагдсан.

Харин АН-ын хувьд хөгжлийн бэрхшээлтэй иргэдийн төлөөлөл болгон жүжигчин, продюсер Ж.Баясгалангийн нэрийг жагсаалтад бичнэ гэх мэдээлэл хөвөрч буй. Гэхдээ жагсаалтын эхний 10 дугаарт багтаах эсэх нь тодорхойгүй байгаа аж. Түүний хувьд, /2023.09.07/-ноос АН-ын даргын Нийгмийн бодлогын асуудал хариуцсан зөвлөхөөр ажиллаж байгаа. 2020 оны сонгуульд АН-аас Баянзүрх дүүрэгт нэр дэвшиж байсан. Энэ удаад дахин эл тойрогт нэр дэвшинэ гэх шуум ч гарсан юм.

У.УЯН

Энэ мэдээнд өгөх таны үнэлгээ

Хуваалцаарай Жиргээрэй