“World masters”-т зодоглох Монголын шигшээ багийнхан БНХАУ-ыг зорилоо

Нэр хүнд, чансаагаараа олимп, ДАШТ-ий дараа эрэмбэтэй томоохон тэмцээнүүдийн нэг нь “World masters”. Өнөө жил БНХАУ-ын Чиндао хотод ирэх сарын 12-14-нд болох тэмцээнд дэлхийд чансаагаараа жин тус бүрийн эхний 32-т эрэмбэлэгдэж буй шилдгүүд зодоглоно.  66 орны 453 бөх барилдах “World masters”-т манай улсаас 21 жүдоч хүч сорино.

Тус тэмцээнд оролцох Монголын шигшээ багийнхан БНХАУ-ыг зорилоо. Тэдний бүрэлдэхүүнд Монголын иргэн болсон, ДАШТ-ий алт, хүрэл медальт Моллаей Саеид багтсан юм. 81 кг-д барилддаг тэрбээр манай улсын нэрийн өмнөөс анхны тэмцээндээ оролцох гэж байгаа нь энэ.

Монголын шигшээ багийн бүрэлдэхүүн:

 Эрэгтэйчүүдийн 60 кг :

-ДАШТ-ий мөнгөн медальт, Гавьяат тамирчин Д.Амартүвшин.

-ДАШТ-ий алт, хүрэл медальт, Гавьяат тамирчин Г.Болдбаатар

-“Эрч” спорт хороо, “Женко” клубийн тамирчин, Екатринбургийн гран пригийн аварга, залуучуудын ДАШТ-ий хүрэл медальт Л.Өнөболд.

66 кг:

-“Сүлд” спорт хорооны бөх, 2017 онд “World masters” тэмцээнд түрүүлсэн Г.Хэрлэн.

– “Хилчин” спорт хорооны бөх, Азийн АШТ-ий хүрэл медальт, энэ жил ДАШТ-д V байрт шалгарсан Ё.Басхүү.

 73 кг :

-ДАШТ-ий хүрэл медальт, Гавьяат тамирчин Г.Одбаяр.

-“Сүлд” спорт хорооны бөх, Азийн аварга, залуучуудын ДАШТ-ий хошой мөнгөн медальт Ц.Цогтбаатар.

81 кг:

-Токиогийн “Их дуулга”-д түрүүлсэн Монголын анхны эрэгтэй жүдоч, Азийн аварга, “Сүлд” спорт хорооны бөх О.Ууганбаатар.

-Азийн аварга, олон улсын хэмжээний мастер Н.Дагвасүрэн.

-ДАШТ-ий алт, хүрэл медальт Моллаей Саеид.

90 кг:

Армийн дэлхийн аварга, Азийн наадмын мөнгөн медальт, “Алдар” спорт хорооны тамирчин Г.Алтанбагана.

-100 кг: ДАШТ-ий хүрэл медальт, Азийн аварга, Риогийн олимпод V байрт шалгарсан, “Сүлд” спорт хорооны бөх Л.Отгонбаатар.

+100 кг:

-Хөдөлмөрийн баатар, Гавьяат тамирчин, олимпын алт, мөнгө, ДАШТ-ий хүрэл медальт Н.Түвшинбаяр.

-ДАШТ-ий хүрэл медальт, залуучуудын дэлхийн аварга Ө.Дүүрэнбаяр.

Эмэгтэйчүүдийн 48 кг :

-ДАШТ-ий алт, мөнгө, хүрэл медальт, Гавьяат тамирчин М.Уранцэцэг.

-“Алдар” спорт хорооны бөх, Азийн наадамд түрүүлсэн Монголын анхны самбоч Г.Наранцэцэг.

52 кг:

– “Хилчин” спорт хорооны бөх, Х.Эрдэнэт-Од гавьяатын шавь Б.Хорлоодой.

-Азийн АШТ-ий мөнгөн медальт, залуучуудын олимпын дэд аварга Л.Сосорбарам.

57 кг:

-Хөдөлмөрийн баатар, олимпын мөнгө, ДАШТ-ий алт, хошой хүрэл медальт Д.Сумъяа.

63 кг:

-Азийн АШТ-ий мөнгө, хүрэл медальт, улсын дөрвөн удаагийн аварга Б.Ганхайч.

-ДАШТ-ий хүрэл медальт, Гавьяат тамирчин Б.Мөнгөнчимэг.

“World masters” тэмцээнд Монголын жүдочдын гаргасан амжилт:

2010 он:

С.Мияарагчаа алтан медаль, 66 кг-д.

 2011 он:

Х. Цагаанбаатар, -66 кг-д түрүүлсэн

М. Бундмаа -52 кг-д, Б. Тэмүүлэн -100 кг-д хүрэл медаль

2012 он:

С. Мияарагчаа 66 кг-д түрүүлсэн

Х. Цагаанбаатар -66 кг-д мөнгөн медаль

2013 он:

Д. Сумъяа -57 кг-д, С. Ням-Очир -73 кг-д түрүүлсэн

А. Цолмон -52 кг-д, Г. Болдбаатар -60 кг-д үзүүрлэсэн

Х. Цагаанбаатар -73 кг-д хүрэл медаль

2014 онд тус тэмцээнийг зохион байгуулаагүй.

2015 он:

М. Уранцэцэг -48 кг-д, Д. Сумъяа -57 кг-д түрүүлсэн

Г. Болдбаатар -60 кг-д, Д.Төмөрхүлэг -66 кг-д хүрэл медаль

2016 он:

Д. Сумъяа -57 кг-д алтан медаль

Д. Төмөрхүлэг -66 кг-д, Г. Одбаяр -73 кг-д мөнгөн медаль

Д.Амартүвшин 60 кг-д хүрэл медаль

 2017 он:

Д. Сумъяа -57 кг-д, Г. Хэрлэн -66 кг-д түрүүлсэн

М. Уранцэцэг 48 кг-д, Д. Амартүвшин 60 кг-д хүрэл медаль

2018 он:

Л. Отгонбаатар -100 кг-д мөнгөн медаль

Д. Амартүвшин -60 кг-д, Д. Алтансүх 66 кг-д хүрэл медаль.