П.Мөнхтулгыг баривчлаагүй, “Нөүтбүүк тараасан” гэх гомдлын дагуу мэдүүлэг өгчээ

УИХ-ын 2024 оны УИХ-ын сонгуулийн Хангайн бүс буюу 1-р тойрогт Ардчилсан намын есөн нэр дэвшигчийн нэг П.Мөнхтулгыг хууль бусаар цагдан хорьсон гэх мэдээлэл олон нийтийн цахим сүлжээнд тархав.

Тодруулбал, түүнийг хууль бусаар нөүтбүүк тараасан гэх үндэслэлээр саатуулсан гэгдсэн юм.

Харин нэр дэвшигч П.Мөнхтулга өөрөө тайлбарлахдаа “Архангай аймагт сурталчилгааны нээлт хийх үйл ажиллагаа эхэлж байлаа. Гэтэл цагдаагийн газар надаас байцаалт авна гэж сая дуудлаа. “Сонгуулийн хууль зөрчсөн учраас таны нэрийг татах үндэслэл бий болгож байна” гэсэн. Сонгуулийн тухай хуулийн 41-р зүйлийг зөрчсөн байж болзошгүй гэдэг үндэслэлээр байцаалт өглөө. Цагдаагийн алба хаагчдад буруу байхгүй. Цаанаас нь өгсөн ямар үүрэг даалгавар байдаг юм, мэдэхгүй. Миний хувьд төрийн алба хаагч байгаагүй тул хууль зөрчих үндэслэл байхгүй. Ямартай ч 22.00 цагаас өмнө ирж мэдүүлэг өгөхгүй бол асуудал хүндэрч, нэр татах үндэслэл болно гэсэн байсан. Өргөдөл гомдол хаанаас ирснийг надад хэлсэнгүй. Сонгуулийн жил нэг ч хүнд мөнгө тараасан зүйл байхгүй” хэмээлээ.

Харин эх сурвалжуудын мэдээллээр МАН-аас П.Мөнхтулгыг 80 нөүтбүүк тараасан гэх утга бүхий гомдол иржээ. Энэхүү гомдлын дагуу түүнээс байцаалт авахаар дуудахад өмгөөлөгчтэйгээ очоод гарсан нь энэ аж.

Энэ мэдээнд өгөх таны үнэлгээ

Хуваалцаарай Жиргээрэй