Иран, Израилын бөхчүүд хоорондоо барилддаггүй, аль нэгнийхээ зохион байгуулсан тэмцээнд өрсөлддөггүйг спортын хорхойтнууд сайн мэднэ. Энэ нь зарим талаараа тамирчдын амжилтад сөргөөр нөлөөлсөн нь ч бий. Ийм горыг амссан жүдочдын нэг нь Ираны Моллаей Саеид.
Тэрбээр энэ жил Засгийн газрынхаа шийдвэрийг ганцаараа сөрөн, ДАШТ-д зодоглосон. Гэвч Ираны Засгийн газар түүнийг дэлхийн аваргын төлөө Израилийн бөх Саги Мукитай өрсөлдүүлэхгүйн тулд албаар ялагдуулсан юм. Түүгээр ч үл барам түүнийг заналхийлсний улмаас Моллаей Саеид нутаг руугаа буцалгүй Германд орогнож байгаад Монгол Улсын иргэн болсон талаар бид өмнө нь МЭДЭЭЛСЭН билээ.
Тэрбээр манай улсыг төлөөлөн БНХАУ-д нөгөөдөр эхлэх “World masters” тэмцээнд зодоглоно.
Тэгвэл түүнийг Израилд болох жүдогийн гран при тэмцээнд оролцохыг урьжээ. Моллаей Саеид Монголын тамирчин болсноор Израилд бэлтгэл хийх, тэмцээнд оролцох боломж бүрдсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.