Лос Анжелес хотын прокурор Жорж Гаксон өнгөрсөн долоо хоногт ээлжит хэвлэлийн бага хурлын үеэр 53 настай Эрик Менендез болон 56 настай Лайл Менендез нарын хэргийг дахин шалгахаар болсон талаар нийтэд зарлажээ.
Ах дүүсийн өмгөөлөгчид тэдэнд оноосон ялыг хүчингүй болгож өгөхийг хүссэн албан хүсэлтээ шүүхэд өгсөн байна. Хэдийгээр ах дүүс аллага үйлдсэн эсэхэд эргэлзэх зүйл байхгүй ч шинэ нотлох баримтуудыг ахин хянаж тэдэнд өгсөн ял үндэслэлтэй эсэхийг хэлэлцэнэ гэдгийг Лос Анжелес хотын шүүхээс мэдэгджээ. Ийнхүү 35 жилийн өмнөх дахин сөхөгдөж, эхлэх юм.
Ах дүүсийн үйлдсэн хэргийн аймшигт үнэнийг өгүүлэх Monsters: The Lyle and Erik Menendez Story нетфликсийн цуврал нээлтээ хийсэн цагаасаа олон нийтийн сүлжээг донсолгож байна.
1989 онд эцэг эхээ хэрцгийгээр буудаж хөнөөсөн ах дүүс болох Лайл Менендез, Эрик Менендез нарын аймшигт атлаа сэтгэл эмзэглүүлсэн түүх, шүүх хуралд орж байх үеийн үйл явц одоо ч олон нийтийн дунд халуун сэдэв хэвээр буй.
Тэд шүүх хуралд орж байх үедээ эцэг эх нь хэрхэн тэднийг олон жилийн турш хүчирхийлж, зовоодог байсан тухай ярьсан төдийгүй аав нь тэдэнд тогтмол бэлгийн хүчирхийлэл үйлдэж, ээж нь хүүхдүүддээ тохиолдож байгаа аймшигт зүйлсийг мэддэг ч туслахыг хүсдэггүй байсан тухай дурдсан байдаг. Эцэст нь Менендезийн ах дүүст тэнсэн суллах нөхцөлгүйгээр бүх насаар нь хорих ял оноосон юм.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.