Анхан болон давж заалдах шатны шүүхээс торгуулын ял сонссон Улсын Их Хурлын гишүүн, Барилга хот байгуулалтын сайд асан З.Баянсэлэнгэ нарт холбогдох хэргийг хяналтын шатны шүүх хурлаар хэлэлцэх эсэхийг өчигдөр /2024.10.30/ Улсын дээд шүүх хэлэлцлээ.
Улсын дээд шүүхийн Эрүүгийн хэргийн танхимын нийт шүүгчийн хуралдаанаар тус хэргийг хяналтын шатны шүүх хуралдаанаар хэлэлцүүлэхээс татгалзаж шийдвэрлэсэн байна. Өөрөөр хэлбэл, З.Баянсэлэнгэд 19 сая төгрөгөөр торгох, Ж.Бурмаад 9 сая, М.Болортуяад мөн 9 сая төгрөгөөр торгох торгуулийн ял оноосон анхан шатны шүүхийн шийдвэрийг хэвээр үлдээсэн давж заалдах шатны магадлал хэвээр үлдэж буй юм.
Эргэн сануулбал, УИХ-ын гишүүн асан З.Баянсэлэнгийг Барилга, хот байгуулалтын сайдаар ажиллаж байхдаа эрх мэдэл, албан тушаалын байдлаа урвуулан ашиглаж, улсад их хэмжээний хохирол учруулсан гэх үндэслэлээр яллагдагчаар татан шалгагдаж байгаа юм.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ авгай сайдаасаа болиод 10 гаруй жил болж байгаа шүү дээ, гэтэл манай шүүх энэ хугацаанд иймхэн асуудлыг л шийдэж чадахгүй өдийг хүрсэн байгаа юм даа. Ингээд бодохоор шүүхийг л шинэчлэхгүй бол энэ улсад шударга ёс тогтоно гэж байхгүй л дээ.
10 жил болж байж 9-18 сая төгрөгөөр торгох нь ялын бодлого мөн үү
Шүүхийн дампуурлыг яаж хурдан шинэчлэх вэ