СПОРТ

78 настай Б.Жалбаа гуай тэшүүрийн төрлөөр ахмадын өвлийн наадамд хүч үзнэ

2020 оны ахмадын өвлийн олимп Австри улсын Инсбрук хотод, нэгдүгээр сарын 8-нд нээлтээ хийж, гурав дахь удаагаа зохион байгуулагдах юм. Үүнд манай улсаас хоккей, тэшүүр, цанын төрлөөр 17 тамирчин оролцохоор бэлтгэлдээ гараад байна. Тэдний дотор өдгөө 78 настай Б.Жалбаа гуай багтаж буй.

Тэрбээр манай тамирчдаас хамгийн ахмад нь бөгөөд, гүйлтийн тэшүүрийн төрлөөр 500, 1000, 1500, 3000 метрийн зайд уралдана. Мөн нээлтийн арга хэмжээнд тугчийн үүрэг гүйцэтгэхээр болжээ. Тэрбээр, “1964 онд Австрийн Инбрук хотын өвлийн олимпод оролцсон минь анхны олимп болсон. 78 настайдаа энд дахин мөрөө гаргана гэж бодохоор сайхан. Сар хүрэхгүй хугацааны дараа олимп эхлэх гэж байна. Өвгөн ах нь бэлтгэлээ улам чамбайруулж байгаа. Залуудаа аваагүй медалиа одоо авч, дутуугаа гүйцээж яагаад чадахгүй гэж” хэмээн ярьсан юм.

Х.ЭРХЭС

Энэ мэдээнд өгөх таны үнэлгээ
Like
Love
Haha
Wow
Sad
Angry

Холбоотой мэдээ

10 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button