Төрийн ордонд хамгаалалт гаргуулж, сэтгүүлчдээс өдөржин зугтсан Б.Жаргалсайханыг ХЗБХ хэлэлцэж, дэмжлээ
Ерөнхийлөгч У.Хүрэлсүхийн саналаар УЕП-оор Б.Жаргалсайханыг улируулан томилох асуудлыг өнөөдөр /2025.04.09/ УИХ дахь АН, МАН-ын бүлэг ээлжит бусаар хэлэлцлээ.
Улмаар хоёр намын бүлэг Ерөнхийлөгчийн саналын дагуу Б.Жаргалсайханыг УЕП-оор томилох томилгоог УИХ-аар хэлэлцэхийг дэмжсэн юм.
Шууд дамжуулалт:
Үргэлжлүүлэн Хууль зүйн байнгын хорооны хуралдаанаар хэлэлцсэн бөгөөд Б.Жаргалсайханы танилцуулгыг ЕТГ-ын дарга Г.Занданшатар хийв.
УЕП Б.Жаргалсайханаас УИХ-ын гишүүд асуулт асууж, хариулт авч дууссаны дараа санал хураалт явууллаа. Хуралдаанд оролцогчид 61 хувийн саналаар дэмжиж, Байнгын хорооноос гарсан санал дүгнэлтийг УИХ-ын чуулганы нэгдсэн хуралдаанд УИХ-ын гишүүн Ш.Заяабал уншиж танилцуулахаар тогтлоо.
Ташрамд, ЕТГ-ын газрын дарга Г.Занданшатар, Улсын Ерөнхий прокурор Б.Жаргалсайхан нар намын бүлгүүд дамжин хуралд оролцохдоо, Төрийн ордон хамгаалалт гаргуулж, өдөржин сэтгүүлчдээс зугтсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.