Л.Төр-Од $17,000 бэлнээр гадагшаа авч явж, түүний томилсон Л.Батсайханыг АТГ-аас саатуулах саналыг шүүх хүлээж аваагүй

Л.Төр-Од МҮХАҮТ-ын Ерөнхийлөгчөөр сүр дуулиантайгаар сонгогдоод өдгөө таван сарын нүүрийг үзжээ. Гэвч энэ богино хугацаанд түүний тухай чамгүй олон асуудлууд хөврөх болов.

Олон нийтийн мэдэж байгаачлан тэрбээр “Транспарэнси интернэшнл” ТББ-ын тэргүүн, “Цахим байшин” ХХК-ийн захирал, Ерөнхий сайд Л.Оюун-Эрдэнийн зөвлөх байв.

Томилгооны асуудлуудаар бантан хутгаж байна:

Нэгт, Л.Төр-Од өөрийн хамаарал бүхий 21 хүнээ МҮХАҮТ-д авч ирж, ажил албан тушаалтай болгожээ. Ингэхдээ тэднийгээ газар, албаны захирал, дунд шатны менежерийн ажилд оруулсан байна. 21 хүний гурван сарын цалинд одоогийн байдлаар танхимаас 150 сая гаруй төгрөгийн зардал гаргаад буй аж.

Хоёрт, Ерөнхийлөгчөөр ажиллаж эхлэхдээ Ерөнхий менежерээр Л.Батсайхан гэгчийг дагуулан ирж, томилон ажиллуулжээ. Б.Саруул гэх эмэгтэйг Ерөнхий нарийн бичгийн даргаар томилон ажиллуулжээ. 2025 оны нэгдүгээр сард энэхүү албан тушаалуудаараа үйл ажиллагаанд оролцож байсан юм.

Гэвч Гүйцэтгэх захирал А.Амартөгсийг халагдсаны дараа түр орлон гүйцэтгэгчээр Л.Батсайханыг тавьжээ. Энэ үеэр АТГ-аас шалгаж эхэлсэн байна. Цагдан хорих хүсэлтээ шүүхэд хүргүүлсэн ч, шүүх хүлээж аваагүй тул гадуур шалгаж буй тухай мэдээлэл бий. Чухам ямар хэрэгт холбогдуулан шалгаж байгаа нь тодорхойгүй. Ямартай ч Л.Батсайхан ажилдаа үзэгдэж, харагдахгүй таг чиг болжээ. Улмаар Л.Батсайханы орон Гүйцэтгэх захирлын үүрэг гүйцэтгэгчээр Б.Саруулыг томилоод байна.

Гуравт, Л.Төр-Одыг Ерөнхийлөгч болоход хүчин зүтгэсэн хүмүүсээр УИХ-ын гишүүн асан С.Дэмбэрэл, түүний үеэл Тордайн Ганболд нар нэрлэгдэж байлаа. Тэд МҮХАҮТ-ын газарт мөнхийн ашиг сонирхолтой хүмүүс. Танхимийн газар дээр Т.Ганболдын Корпорэйт боссон. Тиймдээ ч, тус байгууллагын Ерөнхийлөгч сонгогдох бүрт тэдний нэрс нь ямагт дурдагддаг болж.

Хачирхалтай нь С.Дэмбэрэлийг МҮХАҮТ-д цаасан дээрх ажилд Л.Төр-Од томилж, нөгөөх нь үгүйсгэсэн жиргээ бичиж байв. Хүнийг мэдээгүй байхад нь ажил албатай болгосон гэдэг асуудал үүсгэсэн аж.

Санхүүгийн зөрчлүүдээрээ хуулийн байгууллагад дуудагдах уу,

Олон нийтийн цахим сүлжээнд, "Танхимийн Ерөнхийлөгч томилолтоор 17 мянган ам.доллар бэлнээр авч явсан. Баримт нэхсэн CEO-г халсан" гэх мэдээлэл түгсэн юм. Энэ бол бага мөнгө биш. Өнөөдрийн ханшаар гэхэд л 60 гаруй сая төгрөг юм. Ийм их мөнгө бэлнээр авч гараад чухам юунд үрж зарцуулаад ирэв гэдэг нь анхаарал татна. Үүний баримтыг нэхсэн МҮХАҮТ-ын Гүйцэтгэх захирал А.Амартөгсийг ажлаас нь чөлөөлсөн гэгдэв. Удирдах зөвлөл хуралдаанаар ийм шийдвэр гаргажээ. Чухам ямар шалтгааны улмаас ажлаас халах хүртэлх арга хэмжээ авсан гэдэг нь тодорхойгүй.

Мөн бэлэн 17 мянган ам.доллароос гадна тавхан сарын хугацаанд гадаад томилолт нэрийдлээр 700 гаруй сая төгрөг зарцуулаад байгаа аж. Тус мөнгөний тооцоо одоо хүртэл хаагдаагүй, асуудал үүссэн гэх мэдээлэл байна. Үүнээс 90 гаруй сая төгрөгийн бэлнээр авсан. Байгууллагын мөнгөний картыг ашиглан 30 гаруй сая төгрөг авсан гэх. Мөн ТББ руу мөнгө шилжүүлсэн гэх мэдээлэл ч сонсогдов.

МҮХАҮТ-д үүсээд буй санхүүгийн асуудлуудын талаарх гомдол, мэдээлэл Эрүүгийн цагдаагийн албанд ямартай ч иржээ. Харин шалгаж, хөдөлж эхэлсэн нь үү.

Сэтгүүлчийн тэмдэглэл:

111 ажилтантай тус байгууллагыг удирдахаар ирсэн цагаасаа ажилтнуудыг өөрөөр нь өргөдөл өгүүлэх явдал гаргах болж.

МҮХАҮТ бол бизнесийн 6500 гишүүн болон ААН-үүдийн эрх ашгийг хамгаалдаг байгууллага. Гэвч өөрийн гэхээсээ илүү өрөөлийн бизнесийг удирдсан намтар нь урттай Ерөнхийлөгчийнх нь байж байгаа царай нэг ийм байна. Тавхан сар болж байхад ийм олон асуудал үүсгэчихэж.

Энэ мэдээнд өгөх таны үнэлгээ

Хуваалцаарай Жиргээрэй