2025 оны тавдугаар сарын 19-ний шөнө Сүхбаатар аймгийн Түвшинширээ суманд байрлах монгол гэрт хулгайч нэвтэрч, бурхан шашны эд зүйлс алдагдсан тухай мэдээлэл цагдаагийн байгууллагад энэ оны тавдугаар сарын 20-нд бүртгэгдсэн байна.
Улмаар шалгалтын ажиллагааг эхлүүлж үр дүнд нь хулгай хийсэн 42 настай Д гэх эрэгтэйг олж, тогтоожээ. Тэрбээр монгол гэрийн цоож эвдэж Алтан гэрэл судар, Дашзэвэг судар, Зурмал Бурхан багш, Зурмал Жамсран бурхан, Зурмал Лам бурхан болон нэр тодорхойгүй дөрвөн ширхэг судар зэрэг түүх, соёлын ач холбогдол бүхий зүйлсийг хулгайлсан нь тогтоогдсон байна.
Тиймээс хэргийг Эрүүгийн хуулийн 17.1 дүгээр зүйл /Хулгайлах/ болон холбогдох заалтуудаар үргэлжлүүлэн шалгаж байгаа аж. Хуульд зааснаар ийм төрлийн гэмт хэрэгт 2–8 жилийн хорих ял оноохоор заасан байдаг.
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.