БНСУ-д осол гаргасан монгол жолоочийн машины торомз нь ажиллагаагүй болсон бөгөөд эрүүл байжээ

БНСУ-д зам тээврийн осол гарган зугтаасан монгол иргэнийг саатуулж, согтууруулах ундаа хэрэглэсэн байсныг тогтоосон гэх мэдээлэл гарсан.

Тодруулбал, БНСУ-ын Сөүл хотын Гванжи дүүрэгт өчигдөр /2025.06.06/ өглөөний 11 цаг 40 минутын үед зам тээврийн осол гарч, Монгол улсын иргэн 40 настай “А”-г саатуулсан байна. “А” нь авто машин жолоодох үедээ осол гаргаж хэргийн газраас зугтаасан байжээ. Улмаар Цагдаагийн газраас хэргийг шалгах явцад иргэн “А” буцаж ирж хэргээ хүлээсэн байна. Тэрбээр таван тонн даацтай том оврын машин жолоодож явах үедээ зам тээврийн осол гарган зугтаасан хэргээр саатуулагдаад байна. Улмаар шалгалтын явцад том оврын автомашин жолоодох үедээ согтууруулах ундаа хэрэглэж хөдөлгөөнд оролцсон нь тогтоогдсон гэх мэдээлэл БНСУ-ын Сhannel A телевиз болон хэд хэдэн хэвлэлээр гарсан.

Тэгвэл дээрх мэдээлэл дурдсан монгол иргэн согтуудаа автомашин жолоодож осол гаргасан гэдэг нь худлаа. Монгол иргэн осол гаргах үедээ согтууруулах удааны зүйл хэрэглээгүй байсан байна. Мөн БНСУ-ын нүүлгэлтийн компанийн машиныг монгол ажилтан нь унаж явсан бөгөөд торомз нь ажиллагаагүй болсны улмаас дээрх осол гарчээ. Ослын дараа тэрбээр гэртээ орж, сэтгэл түгшилтийн улмаас нэг пиво ууж, хэргээ хүлээхээр буцаж очсон байна.

Иймд БНСУ-ын хэвлэлд гарсан мэдээллийг үгүйсгэж, осол гаргасан жолоочийн найз энэ талаарх мэдээллийг ил болголоо.

Д.ЦЭГЦ

Энэ мэдээнд өгөх таны үнэлгээ

Хуваалцаарай Жиргээрэй