Архангай аймагт тахианы махны хордлогоор олон хүн өвдөж, эмнэлэгт хүргэгдээд буй талаар олон нийтийн сүлжээнд тархаад буй.
Бид энэ талаар тус аймгийн Эрүүл мэндийн газартай холбогдон тодруулахад "Энэ оны наймдугаар сарын 18-20-ны өдрүүдэд Архангай аймгийн төвд байрлалтай сүлжээ хоолны газраар үйлчлүүлж, тахианы махтай хоол идсэн иргэд хордлогод орсон тохиолдол гарсан. Манай Нэгдсэн эмнэлэгт "шарсан тахиа, тахианы гуя идсэн" гэх шалтгаанаар 26 хүн бөөлжих, суулгах, дотор муухайрах гэх мэт хордлогын шинж тэмдэгтэй ирсэн. Эмнэлгийн зүгээс хордлого тайлах эмчилгээг цаг алдалгүй хийж байгаа. Тахианы махны хордлогын улмаас ирсэн 26 хүний дунд эндэгдэл байхгүй, биеийн байдал тогтворжсон байдалтай буй" хэмээсэн юм.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.