Бахрейн Улсын Манама хотод холимог тулааны Ази тивийн аварга шалгаруулах тэмцээн боллоо. Тус Азийн аварга 2025 оны наймдугаар сарын 27-31-ний өдрүүдэд зохион байгуулагдав. Энэ удаагийн Азийн аваргад 19 орны 300 гаруй тамирчин оролцсон байна. Азийн аваргын “U18” ангиллын сонирхогчдын холимог тулааны охидын 55 кг-ын жинд Сэлэнгэ аймгийн бокс, гардан тулааны “Болд нударга” клубийн тамирчин, ЕБС-ийн 12 дугаар ангийн сурагч Д.Ариунгоо хүрэл медаль хүртэж Азийн залуучуудын наадамд оролцох эрх хүртэв.
Мөн охидын 60 кг-ын жинд “Женко” клубийн тамирчин ЕБС-ийн 12 дугаар ангийн сурагч Б.Өлзийтнаран- хүрэл медаль, Азийн залуучуудын наадамд оролцох эрх, “Кинг панда” клубийн тамирчин Р.Баасанжаргал эрэгтэйчүүдийн 55 кг-ын жинд тав дугаар байр, Азийн залуучуудын наадамд оролцох эрх хүртлээ.
“Шандас ММ” клубийн тамирчин Б.Анх-Ирээдүй 60 кг-ын жинд тавдугаар байр, Азийн залуучуудын наадамд оролцох эрх, “Шандас ММ” клубийн тамирчин М.Өнөмөнх 70 кг-ын жинд тавдугаар байр, Азийн залуучуудын наадамд оролцох эрх хүртсэн амжилтаар тус тус оролцлоо.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.