Нийслэл хотод "Автомашингүй өдөр-2025" арга хэмжээг ирэх долоо хоногт буюу есдүгээр сарын 13-ны бямба гарагт зохион байгуулахаар болсныг НЭМГ-аас мэдээллээ. Энэ жил 13 дахь удаагаа зохион байгуулагдах автомашингүй өдөр 07:00-18:00 цагийн хооронд үргэлжилнэ. Энэ үеэр Сүхбаатарын талбайд иргэдэд эрүүл мэндийн тусламж үйлчилгээ үзүүлэх, зөвлөгөө өгөх ажлууд зохион байгуулагдах аж.
Автомашингүй өдрөөр хаагдаж буй гудамж замууд:
- Сүхбаатарын талбай (Сүхбаатарын гудамж, Их сургуулийн гудамж)
- Сөүлийн гудамж, Чоймболын гудамж,
- Бөмбөгөр худалдааны төвийн уулзвар,
- Жуулчны гудамж, Баруун сэлбийн гудамж, Төмөрчний гудамж,
- Гэсэр сүмийн уулзвар, Самбуугийн гудамж, Анкарагийн гудамж,
- Бага тойруу, Бээжингийн гудамж, Залуучуудын гудамж,
- Сансарын туслах замаар Энхтайваны өргөн чөлөөний Зүүн дөрвөн замын уулзвараас Баруун дөрвөн замын уулзвар, Чагдаржавын гудамж,
- С.Зоригийн гудамж, Элчингийн гудамж, Олимпын гудамж, Гэндэнгийн гудамж, Д.Чойдогийн гудамж, С.Жамъяан гүний гудамж,
- Чингисийн өргөн чөлөөний Монголын хүүхдийн ордны уулзвараас Монгол шуудангийн уулзвар болон дотогш замуудын авто машины хөдөлгөөнийг түр хугацаагаар хязгаарлана хэмээн Нийслэлийн эрүүл мэндийн газраас мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.