Хөвсгөл аймагт хоёр настай хүү сураггүй алга болоод найман хоног өнгөрлөө. Тухайн үед аав, ээж нь "Сайхан мод" гэх газар түлээний мод бэлтгэхээр очихдоо хүүгээ, таван сартай охины хамт уулын бэлд машиндаа унтуулан үлдээснээр ийн сураггүй алга болсон байдаг.
Гэтэл хүүгийн ээж "10-20 минут болоод ирэхэд нь хоёр настай том хүү сураггүй алга болж, таван сартай дүү нь унтаж байсан юм. Өмнө нь хоёр хүүхдээ машинд нь унтуулаад үлдээхэд том хүү минь дүүгээсээ холдож явдаггүй, дэргэд нь уйлаад байж байдаг байсан. Хэрэв өмнөх шигээ уйлсан бол бид мэдээд хүрээд ирнэ, бас таван сартай дүү нь сэрнэ" хэмээн мэдээлэл өгсөн.
Улмаар эрлийн ажиллагаа найман хоног үргэлжилж байгаа ч ямар нэгэн сураг гараагүй байна. Гэр бүлийнх нь зүгээс "олдохгүй байгаа учир эрлээ зогсооё" хэмээн албаныханд мэдэгдсэн. Улмаар холоос ирсэн алба хаагчид болон сайн дураараа эрлийн ажилд оролцож байгаа иргэдийн буцааж, Хөвсгөл аймгийн онцгой комисс ажиллаж буй.
Эл үеэр "хүүгийн аав архи уудаг байсан. Улмаар ээж нь хадмуудтайгаа маргалдан уурлахдаа хүүгээ нуусан" гэх мэдээлэл олон нийтийн сүлжээнд цацагдаад байна.
Энэ талаар ойрын эх сурвалжаас тодруулахад "Хүүгээ хайж буй энэ гэр бүл эв, эетэй. Нөхрийг нь гэр бүлдээ халамжтай, ахуй амьдралдаа зүтгэлтэйг нь харж байснаас архи ууж, агсарч явааг нь бол харж байгаагүй. Хүмүүс хүүг алга болсон өдөр аав нь согтуу байсан, ээж нь хадмуудтайгаа маргалдсаны улмаас хүүхдээ нуугаад, одоог хүртэл гаргаж ирэхгүй байгаа гэх худал мэдээлэл тараагаад байгаа. Ер нь ямар ч маргаан боллоо гэхэд үр хүүхдээ ийн нууж, улс даяар шуугиан тарина гэж байхгүй шүү дээ. Ээжийнх нь хувьд хүүгээ алга болон эхний хоёр өдөр даралт нь ихсэж, бие нь муу байдалтайгаар эмнэлэгт байсан юм шүү дээ. Харин тэр өдөр хэвлэлд мэдээлэл өгөхдөө харьцангуй сэтгэл зүйгээ барьж байна билээ.
Хэдийгээр хүүгээ алга болгосон хос хоёрын хоёр дахь амьдрал ч гэлээ нөхөр нь дагавар хоёр хүүхдэдээ тун сайн ханддаг. Том хоёр хүүхэд нь дотуур байранд амьдардаг учир амралтын өдөр бүр сургуульд нь хүргэж өгч, авна. Хөдөөний айл гэхэд ахуй гэр нь цэвэр, цэмцгэр сайхан айл. Бид хүүгээ олоосой л гэж ихэд хүсэж, хайсаар байна" хэмээсэн юм.
Өмнөх мэдээллийг дараах линкээс унших боломжтой
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Танай сайт харин ганц сайхан гэгээтэй зүйл бичдэг юм бна. Баярл�##�аа
Хүмүүс eр нь яасан ч муухай нэгнээ элдвээр бичдэг пад хар сэтгэлтэй болчихсон юм
Salj niilsen asuudaltai l ger bul bh shig bn daa0